पृथ्वीनारायण शाहको जन्मजयन्ती मनाउन हिचकिचाउनेले दलाई लामाको जन्मजयन्ती मनाउन अनुमति दिए : दुर्गा प्रसाईँ

काठमाडौँ। मेडिकल व्यवसायी तथा अभियन्ता दुर्गा प्रसाईँले नेपालको एकीकरण गर्ने राजा पृथ्वीनारायण शाहको जन्मजयन्ती मनाउन हिचकिचाउने वर्तमान व्यवस्थाले विदेशीको इसारामा दलाई लामाको जन्मजयन्ती मनाउन भने अनुमति दिएको भन्दै कडा आलोचना गरेका छन्।

भक्तपुरस्थित आफ्नै निवासमा आइतबार आयोजित पत्रकार सम्मेलनमा बोल्दै प्रसाईँले सरकार र वर्तमान राजनीतिक प्रणालीले राष्ट्रियतालाई कमजोर बनाएको आरोप लगाए । उनले देश निर्माण गर्ने राष्ट्रनिर्मातालाई अपमान गर्ने तर विदेशी शरणार्थी र बाह्य पात्रहरूलाई प्रश्रय दिने सरकारी नीतिले मुलुकको अस्मिता खतरामा परेको टिप्पणी गरे।