गणेश नेपाली आत्मदाहमाथि स्वतन्त्र छानबिनको माग

काठमाडौँ । अधिकारवादी संस्था ‘सहयात्रा–इन्टरनेसनल एलायन्स फर सोसल जस्टिस’ ले २५ वर्षीय दलित युवा गणेश नेपालीको दुःखद आत्मदाह र निधनप्रति गहिरो दुःख व्यक्त गर्दै घटनाको स्वतन्त्र, पारदर्शी र निष्पक्ष छानबिन गर्न नेपाल सरकारसँग माग गरेको छ।

सहयात्राले जारी गरेको विज्ञप्तिमा यस घटनालाई अमेरिकामा प्रहरी दमनका कारण ज्यान गुमाएका जर्ज फ्लोयडको प्रसङ्गसँग जोड्दै संस्थागत असफलताको गम्भीर नमुनाका रूपमा चित्रण गरिएको छ। "अमेरिकामा जर्ज फ्लोयडको मृत्यु र गणेश नेपालीको घटनाको परिस्थिति फरक भए पनि, दुवैले संस्थागत असफलताले मानव जीवनमा पार्न सक्ने गम्भीर प्रभावबारे प्रश्न उठाउने साझा सन्देश दिएका छन्," विज्ञप्तिमा भनिएको छ।