भोटेकोसी बाढी : ३८ शव फेला, २४५ बेपत्ता

काठमाडौं : चीनको तिब्बत क्षेत्रहुँदै रसुवाबाट नेपाल छिरेको बाढीमा फसेकाहरूको खोज तथा उद्दारकोक्रममा ३८ वटा शव फेला परेको छ। विपद् जोखिम न्यूनीकरण तथा व्यवस्थापन प्राधिकरणका अनुसार धादिङ, नुवाकोट, रसुवा, गोरखा, नवलपरासी र तनहुँमा शवहरू फेला परेका हुन्।

यसैगरी हालसम्म २ सय ४५ जना सम्पर्कहीन भएको सूचना आएको छ। त्यसमा नेपाली सेना ४४ जना, नेपाल प्रहरी २६ जना र सशस्त्र प्रहरी १३ जना समेत रहेका छन्।