भोटेकोशी बाढी अपडेट : चितवनमा भेटियो सबैभन्दा धेरै शव, ८० वटा पुलमा क्षति

काठमाडौँ । राष्ट्रिय विपद् जोखिम न्यूनीकरण तथा व्यवस्थापन प्राधिकरणले नेपाल-चीन सिमाना रसुवागढीस्थित भोटेकोशी नदीमा आएको बाढी पछिको आपतकालीन अवस्थाबारे दोस्रो स्थिति प्रतिवेदन सार्वजनिक गरेको छ। बुधबार राति ९ बजेर ५ मिनेटसम्मको अद्यावधिक विवरण समेटिएको उक्त प्रतिवेदनले बाढीका कारण गम्भीर मानवीय र भौतिक क्षति भएको देखाएको हो ।

प्रतिवेदनमा उल्लेख भएअनुसार बिहान ८ बजेर ४० मिनेटमा रसुवागढी नाकाबाट करिब २० किलोमिटर उत्तर पूर्वमा हिम र चट्टानको पहिरो गएको थियो। सोही पहिरोका कारण ल्हेन्दे खोलामा गेग्रानसहितको ठुलो बाढी आएको र तिब्बततर्फबाट भोटेकोशी हुँदै नेपाल प्रवेश गरेको बाढीले रसुवा, नुवाकोट, धादिङ, गोरखा र चितवन जिल्लाका त्रिशूली नदीको तटीय क्षेत्रमा सङ्कटपूर्ण अवस्था सिर्जना गरेको छ।