बडिमालिकामा पूजाको तयारी पूरा, भक्तजनको घुइँचो

सुदूरपश्चिम प्रदेशको बाजुरामा स्थित ऐतिहासिक, धार्मिक र सास्कृतिक महत्व बोकेको पर्यटकीय स्थल बडीमालिकामा हजारौ भक्तजनको चहलपहलले गुल्जार बनेको छ। साउन शुक्ल चतुदर्शीका दिन भदौ ११ गते बिहीबार बिशेष पूजाआजासहित मेला लाग्ने भएकाले भक्तजनको उल्लेख्य उपस्थिति छ ।

प्रत्येक वर्ष साउन शुक्ल चतुदर्शीका दिन बडिमालिकामा बिशेष पुनाआजा गरिने र मेला लाग्ने गर्छ । यस पटक भदौ १ गतेदेखि नै बडिमालिकामा मेला सुरु भएको छ। देशभित्र मात्र नभई भारतबाट समेत भक्तजन आउने बडिमालिका मेलाको सुदूरपश्चिम र कर्णाली प्रदेशमा विशेष महत्व रहेको छ ।