इस्लामाबादको पिम्स अस्पतालमा आगलागी : १४ नवजात शिशुको मृत्यु, एकको उद्धार

पाकिस्तानको राजधानी इस्लामाबादस्थित पाकिस्तान इन्स्टिच्युट अफ मेडिकल साइन्सेस (पिम्स) अस्पतालको नर्सरीमा बुधबार बिहान आगलागी हुँदा १४ नवजात शिशुको मृत्यु भएको छ।

नर्सरीमा रहेका १५ शिशुमध्ये एक जनाको भने उद्धार गरिएको अस्पतालले जनाएको छ। प्रारम्भिक विवरणअनुसार स्थानीय समयअनुसार बिहान ६:३८ बजे नर्सरीभित्र एयर कन्डिसनरमा स्पार्क भएपछि आगलागी सुरु भएको थियो। इन्क्युबेटरमा प्रयोग भइरहेको अक्सिजनका कारण आगो केही सेकेन्डमै तीव्र रूपमा फैलिएको अस्पतालले जनाएको छ।