गणेश नेपालीको आत्मदाह प्रकरणमा महानगरीय प्रहरीलाई निलम्बन गरिने

काठमाडौं । मुगुका २५ वर्षीय गणेश नेपालीको आत्मदाह प्रकरणमा जोडिएका काठमाडौं महानगरपालिकाका महानगरीय प्रहरी बलका कर्मचारीलाई निलम्बन गरिने भएको छ ।

सरकार, काठमाडौं महानगरपालिका र पीडित पक्षबीच आज भएको ९ बुँदे सहमतिअनुसार उक्त दिन घटनास्थलको अग्रभागमा खटिएका महानगरीय प्रहरी बलका कर्मचारीलाई निलम्बन गरिने भएको हो । अब काठमाडौं महानगरपालिकालाई जिल्ला प्रशासन कार्यालय काठमाडौंले लेखी पठाउने छ ।