विद्युत मर्मतमा हुने ढिलाइ अन्त्य गर्न कर्णाली पठाइँदै यान्त्रिक क्रेन

कर्णाली प्रदेशमा विद्युत मर्मत कार्यलाई थप गति दिई आपूर्ति प्रणालीलाई भरपर्दो बनाउन नेपाल विद्युत प्राधिकरणलाई आवश्यक यान्त्रिक क्रेन उपलब्ध गराइने भएको छ।

ऊर्जा, जलस्रोत तथा सिँचाइ मन्त्री विराज भक्त श्रेष्ठको पहल र समन्वयपछि प्राधिकरणको खरिपाटीस्थित ट्रान्सफर्मर वर्कशपमा रहेको क्रेन आवश्यक सर्भिसिङ सकिएलगत्तै कर्णाली पठाउने निर्णय भएको हो।