सुडानमा अर्धसैनिक नेता दाग्लोलाई अनुपस्थितिमै मृत्युदण्ड

सुडानको एक अदालतले अर्धसैनिक समूह र्‍यापिड सपोर्ट फोर्स (आरएसएफ) का नेता मोहम्मद हमदान दाग्लो र अन्य १५ जनालाई अनुपस्थितिमै मृत्युदण्डको फैसला सुनाएको छ। उनीहरूमाथि पश्चिम डारफरका गभर्नर खामिस अब्बाकरको हत्या तथा युद्ध अपराध, मानवताविरुद्धको अपराध र नरसंहार गरेको आरोप लागेको छ।

सन् २०२३ अप्रिलमा सुडानी सेना र आरएसएफबीच युद्ध सुरु भएपछि आरएसएफ नेतृत्वविरुद्ध आएको यो पहिलो अदालतको फैसला हो। दोषी ठहर हुनेमा दाग्लोका भाइ तथा आरएसएफका उपनेता अब्देलरहीम हमदान दाग्लोसहित केही सैन्य अधिकारी र जनजातीय नेता पनि छन्।