सिन्धुपाल्चोकसहित ५ जिल्लामा सतर्कता अपनाउन आग्रह

काठमाडौं– राष्ट्रिय विपद् जोखिम न्यूनीकरण तथा व्यवस्थापन प्राधिकरणले सिन्धुपाल्चोकसहित पाँच जिल्लामा पछिल्लो १ देखि ३ घण्टामा मध्यमदेखि भारी वर्षा भइरहेको जनाएको छ।

प्राधिकरणका अनुसार सिन्धुपाल्चोक, लमजुङ, तनहुँ, गोरखा, धादिङ आसपासका क्षेत्रमा अझै थप वर्षा हुने सम्भावना छ। उक्त वर्षाले मर्स्याङ्दी, बूढीगण्डकी, त्रिशूली, भोटेकोशीलगायतका नदी तथा सो क्षेत्र भएर बहने साना खोलानालामा आकस्मिक बहाव बढ्न सक्ने देखिएको छ।