नवलपुरमा ३१ शव र मानव अंग फेला

भोटेकोशी नदीमा आएको बाढीले बगाएर ल्याएका ३१ वटा शव तथा मानव अंग नवलपुरको नारायणी नदीको तटीय क्षेत्रमा फेला परेका छन्। जिल्ला प्रहरी कार्यालय नवलपुरका अनुसार हालसम्म १४ पुरुष, ६ महिला, चार बालिका र एक बालकका शव तथा छ वटा मानव अंग फेला परेका छन्।

फेला परेका शवमध्ये गैँडाकोट नगरपालिकामा २६, देवचुली नगरपालिकामा तीन र मध्यविन्दु नगरपालिकामा दुई वटा छन्। तीमध्ये २६ वटा शव गैँडाकोट नगर अस्पतालमा राखिएको छ भने पाँच वटा शव नारायणी नदी किनारमै रहेको जिल्ला प्रहरी कार्यालयका सूचना अधिकारी तथा प्रहरी नायब उपरीक्षक अनिल पण्डितले जानकारी दिनुभयो।