नुवाकोटको चक्रदेव हस्पिटलबाट गम्भीर ७ घाइते रिफर, बाँकीको उपचार जारी

नुवाकोट- बाढी प्रभावित क्षेत्र नजिक रहेको विदुरस्थित चक्रदेव हस्पिटलले बाढी तथा अन्य घटनामा घाइते भएका बिरामीको उपचारलाई २४ सै घण्टा निरन्तरता दिएको छ। अस्पतालबाट गम्भीर अवस्थामा रहेका ७ जना घाइतेलाई हेलिकप्टरमार्फत थप उपचारका लागि रिफर गरिएको अस्पतालले जनाएको छ।

चक्रदेव हस्पिटलमा कार्यरत चिकित्सक डा. राकेश परियारका अनुसार गम्भीर अवस्थाका ७ जना बिरामीलाई हेलिकप्टरमार्फत अन्य अस्पतालमा पठाइएको हो। सामान्य प्रकृतिका बिरामीलाई आवश्यक उपचारपछि डिस्चार्ज गरिएको छ भने केही बिरामी अझै अस्पतालमै उपचाररत छन्।