सडकदेखि अस्पतालसम्म असुरक्षा

विकासको वास्तविक मापन किलोमिटर होइन, नागरिकको जीवनरक्षा हुनुपर्छ।

बागमती प्रदेशको एक ग्रामीण पालिकाका बीसको दशकका अर्जुन (परिवर्तित नाम) खाडीको एक मुलुकमा दुई वर्षभन्दा बढी काम गरेर गाउँ फर्किएका थिए। स्वदेशमै भविष्य बनाउने अठोटसहित उनले पशुपालन र तरकारीखेती गर्न थाले। आम्दानी टिकाउ नभएपछि फेरि विदेश जाने तयारीमा लागे। त्यही क्रममा केही समयअघि मोटरसाइकल दुर्घटनामा गम्भीर घाइते भए।