चीनले नेपाललाई पूर्वसतर्कता अपनाउने सूचना नदिएको आरोपमा चिनियाँ दूतावासले के भन्यो ?

काठमाडौं । नेपाल र चीनको सीमावर्ती क्षेत्र रसुवागढी–केरुङ नाकामा मंगलबार बिहान गएको ठूलो प्राकृतिक विपत्तिका कारण दुवै देशतर्फ ठूलो जनधनको क्षति भएको छ ।

यसैबीच सामाजिक सञ्जाल र केही अनौपचारिक माध्यमहरूमा चीनतर्फको बाँध फुटेको र चीनले पूर्वसूचना नदिएका कारण नेपालमा क्षति भएको भन्ने दाबीहरू सार्वजनिक भए तापनि ती खबरहरू पूर्णतः भ्रामक रहेको चिनियाँ राजदूतावासले जनाएको छ ।