अस्पतालको क्षमताभन्दा बढी शव हुँदा चितवनमा व्यवस्थापन चुनौती

काठमाडौं - बाढीका कारण मृत्यु भएकाहरूको शव धमाधम फेला पर्न थालेपछि चितवनमा शव व्यवस्थापन चुनौतीपूर्ण बनेको छ। चितवन प्रहरीले हालसम्म जिल्लाका विभिन्न स्थानबाट ६४ वटा शव फेला परेको जनाएको छ।

चितवन प्रहरी कार्यालयका निमित्त सूचना अधिकारी प्रहरी निरीक्षक मनिष श्रेष्ठका अनुसार शव खोजी कार्य अझै जारी रहेकाले मृतकको संख्या थप बढ्न सक्ने प्रारम्भिक आकलन गरिएको छ।