भोटेकोशी बाढी: चार रुसी नागरिक सम्पर्कविहीन, धुन्चेबाट आठ जनाको उद्धार

काठमाडौँ – रसुवाको भोटेकोशी र त्रिशूली नदीमा आएको विनाशकारी आकस्मिक बाढीमा परी कम्तीमा चार जना रुसी नागरिक सम्पर्कविहीन भएका छन्। नेपालस्थित रसियाली दूतावासका अनुसार बाढी प्रभावित क्षेत्रमा रहेका आफ्ना चार नागरिकसँग सञ्चार सम्पर्क विच्छेद भएको छ।

दूतावासले दिएको जानकारीअनुसार रुसी नागरिकको अर्को आठ जनाको समूह भने रसुवाको सदरमुकाम धुन्चेमा सुरक्षित रहेको र उनीहरूलाई थप सुरक्षित स्थानतर्फ स्थानान्तरण गरिएको छ।