चिनियाँ दूतावासद्वारा बाढीको पूर्वसूचना नदिएको आरोपको खण्डन

काठमाडौं- काठमाडौंस्थित चिनियाँ दूतावासले चीनले नेपाललाई बाढीको पूर्वसूचना नदिएको भन्ने आरोपको कडा रूपमा खण्डन गरेको छ। दूतावासले सामाजिक सञ्जाल फेसबुकमार्फत स्पष्टीकरण जारी गर्दै त्यस्ता आरोपलाई ‘भ्रामक समाचार’को संज्ञा दिएको हो।

चीनतर्फको कुनै बाँध फुटेर नेपालमा क्षति पुगेको र त्यसबारे नेपाललाई पूर्वसूचना नदिएको भन्ने दाबी निराधार रहेको दूतावासले जनाएको छ। दूतावासका अनुसार अगस्ट २६ को बिहान नेपालतर्फ भूकम्प वा हिमपहिरोजस्तै प्रकृतिको ठूलो भौगोलिक विपद् आएको थियो।