बाढी प्रभावित क्षेत्रमा निजी हेलिकप्टरलाई सरकारी समन्वयमा मात्रै उडाउन निर्देशन

रसुवाको भोटेकोशी नदीमा आएको बाढीपछि प्रभावित क्षेत्रमा जारी खोज तथा उद्धार कार्यमा प्रयोग भइरहेका निजी हेलिकप्टरलाई सरकारी समन्वयमा मात्रै सञ्चालन गर्न निर्देशन दिइएको छ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणले रसुवा, नुवाकोट, गोरखा, धादिङ र चितवनका जिल्ला प्रशासन कार्यालयलाई पत्राचार गर्दै निजी हेलिकप्टर आफ्नै ढंगले सञ्चालन हुँदा हवाई ट्राफिक बढेर दुर्घटनाको जोखिम हुन सक्ने भन्दै व्यवस्थित रूपमा उडान सञ्चालन गर्न आग्रह गरेको हो।