चिनियाँ दाबी : नेपालतर्फकै हिमपहिरोले क्षति, बाँध भत्किएको हल्ला निराधार

काठमाडौं : नेपालस्थित चिनियाँ दूतावासले रसुवागढी-केरुङ (ग्याइरोङ) सीमा क्षेत्रमा भएको प्राकृतिक विपत्तिका सम्बन्धमा नेपालमा भ्रामक सुचना फैलिएको दाबी गरेको छ । ती सूचनाहरूलाई 'भ्रामक' (फेक न्यूज) भन्दै दुतावासले स्पष्टीकरण दिएको हो ।

दूतावासले विज्ञप्तिमार्फत चीनतर्फको बाँध (ड्याम) भत्किएर नेपालतर्फ क्षति भएको र चीनले पूर्वसूचना नदिएको भन्ने दाबी अस्वीकार गरेको छ । दूतावासले यस्ता समाचारलाई 'फेक न्यूज' भन्दै खण्डन गरेको हो ।