नेपालमा बर्सेनि अभाव हुने रासायनिक मल यसपालि कति उपलब्ध छ?

धान रोपाइँ हुने मुख्य यामका बेला रासायनिक मलको देशव्यापी रूपमा अभाव भएको भन्ने विवरणहरूमाझ एक अधिकारीले मलको "हाहाकार नभए तापनि किसानले मागेजति उपलब्ध गराउन नसकिएको कुरा पनि यथार्थ रहेको" बताएका छन्।

कृषि, वन तथा पर्यावरण मन्त्रालयअन्तर्गत कृषि विकास महाशाखाका सहसचिव डा रामकृष्ण श्रेष्ठ मध्यपूर्व तनावमाझ यस पटक अन्तर्राष्ट्रिय रूपमै मलको सङ्कट र आपूर्ति चक्रमा अनपेक्षित समस्या रहेको बताउँछन्।