थाइल्यान्डको पबमा आगलागी, कम्तीमा २७ जनाको मृत्यु

बैंकक । थाइल्यान्डको राजधानी बैंककस्थित एक पबमा सोमबार मध्यरातपछि भएको भीषण आगलागीमा कम्तीमा २७ जनाको मृत्यु भएको छ भने ६३ जना घाइते भएका छन्। घाइतेमध्ये २२ जनाको अवस्था गम्भीर रहेको अधिकारीहरूले जनाएका छन्।

उत्तरी बैंककको ना लाडफ्राओ पबमा लागेको आगो करिब आधा घण्टापछि नियन्त्रणमा आएको थियो। आगलागीको कारणबारे अनुसन्धान भइरहेको थाइल्यान्डका प्रधानमन्त्री अनुतिन चार्नविराकुलले बताएका छन्।