‘सनातनी राज्यको पक्षमा बोल्दा मलाई सामाजिक सञ्जालमार्फत बलात्कार र ज्यान मार्ने धम्की आयो’

काठमाडौँ । राष्ट्रिय प्रजातन्त्र पार्टी (राप्रपा) की सांसद खुश्बु ओलीले सनातनी राज्यको पक्षमा आवाज उठाउँदा आफूलाई ज्यान मार्ने र बलात्कारको धम्की आएको खुलासा गरेकी छन् । बुधबार प्रतिनिधिसभाको आकस्मिक समयमा बोल्दै सांसद ओलीले सामाजिक सञ्जालमार्फत आफूमाथि नियोजित रूपमा भौतिक आक्रमण र चरित्रहत्याको धम्की आइरहेको जानकारी गराएकी हुन् ।

ओलीले संसद्‌मा यस्तो गम्भीर विषय उठाएलगत्तै नवनियुक्त गृहमन्त्री सुधन गुरुङले संसदभित्रै उनीसँग भेट गरी घटनाबारे चासो व्यक्त गरेका छन् । गुरुङले प्रतिपक्षी बेन्चमै पुगेर ओलीसँग कुराकानी गर्दै धम्की दिनेहरूलाई कानुनी कारबाहीको दायरामा ल्याउने प्रतिबद्धता जनाए ।