कोदारीमा सडक भासिँदा तातोपानी नाका पुनः ठप्प

सिन्धुपाल्चोक । जिल्लाको भोटेकोसी गाउँपालिका–२ स्थित कोदारी (इको) क्षेत्रमा सडक भासिएपछि नेपाल–चीन जोड्ने तातोपानी नाका सोमबार पुनः अवरुद्ध भएको छ।

आइतबार पनि लिपिङ बजारमा पहिरो खस्दा एउटा कन्टेनरमा क्षति पुगेको थियो। पहिरोका कारण सडक केहीबेर अवरुद्ध हुँदा सीमा क्षेत्रको आवागमनसमेत प्रभावित बनेको थियो। बेलुका लगातार आएको वर्षापछि कोदारी राजमार्गको इको खण्डमा आइतबार करिब दुई मिटर सडक भासिएपछि सवारी आवागमन पूर्णरूपमा रोकिएको हो।