चिनियाँ लगानीको साञ्जेन खोलाले ९ महिनामै बेच्यो ८५ करोडको बिजुली, कन्टिन्जेन्सीबाट हट्दै

काठमाडौं । सालासुंगी पावरको साञ्जेन खोला जलविद्युत् आयोजनाले चालु आर्थिक वर्ष (सन् २०२६)को ९ महिनामा ८४ करोड ९० लाख रुपैयाँको सञ्चालन आम्दानी गरेको छ । ऊर्जा बिक्री र महसुल समायोजनका कारण सञ्चालन आम्दानी बढेको हो ।

७८ मेगावाटको आयोजनाले आर्थिक वर्ष २०२५ मा ५१ करोड ७० लाख रुपैयाँ सञ्चालन आम्दानी गरेको थियो । यस्तै, कम्पनीको सञ्चालन नाफा आर्थिक वर्ष २०२५ मा ८५.७० प्रतिशत र चालू आर्थिक वर्षको ९ महिनामा ८८.३६ प्रतिशत रहेको छ ।