उत्तर कोरियाली सीमा नजिक गस्तीमा रहेका दक्षिण कोरियाली नाविक मृत फेला

दक्षिण कोरियाको नौसेनाले उत्तर कोरियासँगको समुद्री सीमा नजिकै बेपत्ता भएका एक नाविकको शव फेला पारेको छ। पूर्वी तटमा गस्ती गरिरहेको जहाजबाट बेपत्ता भएको एक दिनपछि सोमबार बिहान ती नाविक मृत अवस्थामा फेला परेका हुन्।

नौसेनाले एक विज्ञप्ति जारी गर्दै 'खोज अभियानमा भाग लिने गस्ती डुंगाले स्थानीय समयअनुसार सोमबार बिहान ५:५८ बजे जियोजिनबाट लगभग ५२ किलोमिटर पूर्वमा हराएका नाविकको शव फेला पारेको' जनाएको छ। त्यसपछि बिहान ६:४३ बजे (स्थानीय समय) शव निकालिएको नौसेनाले बताएको छ।