राहदानीमा नयाँ व्यवस्थापन प्रणालीको सुरुवात, प्रारम्भिक चरणमा अत्यावश्यक सेवाग्राहीलाई मात्र आवेदन दिन आग्रह

काठमाडौं । राहदानी विभागले सोमबारदेखि नयाँ राहदानी उत्पादन तथा व्यवस्थापन प्रणाली (Passport Management System) सञ्चालनमा ल्याएको जनाएको छ। विभागले डाटा माइग्रेसन सफलतापूर्वक सम्पन्न गरी नयाँ प्रणालीमार्फत राहदानी सेवा सञ्चालनमा ल्याइएको जानकारी दिएको हो।

विभागले सार्वजनिक गरेको सूचनाअनुसार नयाँ प्रणालीमा करिब एक करोड नेपाली नागरिकको राहदानीसम्बन्धी विवरण सुरक्षित रूपमा स्थानान्तरण गरिएको छ। विभागका अनुसार नयाँ प्रणाली लागू भएसँगै सेवा प्रवाहलाई थप सुरक्षित, प्रभावकारी र व्यवस्थित बनाउने लक्ष्य राखिएको छ।