अमेरिकी बमबारीपछि खाडीस्थित अमेरिकी सैन्य आधारमा आक्रमण सुरु

काठमाडौं । इरानले अमेरिकी आक्रमणपछि सुरु गरेको प्रत्याक्रमण जारी रहेको छ । इरानले अमेरिकाद्वारा आफ्नो दक्षिणी तटीय क्षेत्रमा गरिएको हवाई आक्रमणको जवाफस्वरूप बहराइन, कुवेत र जोर्डनमा रहेका अमेरिकी सैन्य आधारहरूलाई लक्षित गर्दै आक्रमण गरेको दाबी गरेको छ ।

यो घटनाक्रम होर्मुज जलमार्गलाई लिएर अमेरिका–इरानबीच बढ्दो सैन्य तनावबीच भएको हो । इरानी सरकारी समाचार एजेन्सी आइआरएनएका अनुसार इरानी सेनाले जारी गरेको विज्ञप्तिमा अमेरिकी आक्रमणको जवाफमा कुवेतमा रहेका अमेरिकी सैन्य आधारहरूमा ड्रोन आक्रमण जारी रहेको उल्लेख छ ।