संयुक्त राजनीतिक दलित सङ्घर्ष समितिको आन्दोलन स्थगित

काठमाडौँ । आत्मदाहको प्रयासपछि उपचारको क्रममा निधन भएका मुगुका राइडर गणेश नेपालीको परिवार र सरकारबिच ९ बुँदे सहमति भएसँगै संयुक्त राजनीतिक दलित सङ्घर्ष समितिले आन्दोलनका कार्यक्रम स्थगित गरेको छ ।

समितिका संयोजक दलजित श्रीपालीले सोमबार विज्ञप्ति जारी गर्दै असार २९ गते दिउँसो १ बजे माइतीघर मण्डलामा आयोजित विरोध कार्यक्रम र सोही दिन ७७ वटै जिल्ला प्रशासनबाट नेपाल सरकारका प्रधानमन्त्रीलाई अल्टिमेटमसहितको ज्ञापन पत्र दिने चरणबद्ध आन्दोलनका कार्यक्रमहरू हाललाई स्थगित गरिएको जनाएका हुन् ।