४ हजार बालबालिकाका लागि एकीकृत भान्साघरको दिवाखाजा

धनगढी : धनगढी उपमहानगरपालिकाले सामुदायिक विद्यालयमा अध्ययनरत बालबालिकाको पोषण अवस्था सुधार गर्ने लक्ष्यसहित सञ्चालनमा ल्याएको एकीकृत भान्साघरबाट अब करिब ४ हजार विद्यार्थीले दैनिक गुणस्तरीय दिवा खाजा पाउने भएका छन्।

साउन १ गतेदेखि वडा नम्बर १ देखि ८ सम्मका २१ सामुदायिक विद्यालयमा यो व्यवस्था लागू हुने भएको हो। हालसम्म अधिकांश विद्यालयले आफ्नै स्तरमा दिवा खाजा तयार गर्दै आएका थिए। अब भने एउटै मापदण्डअनुसार केन्द्रीय भान्साघरमा तयार गरिएको पोषणयुक्त खाजा विद्यालयसम्म पुर्‍याइने व्यवस्था गरिएको छ। यसबाट खाजाको गुणस्तर, सरसफाइ तथा पोषणमा एकरूपता कायम हुने अपेक्षा गरिएको छ।