मिडिया हाउस अगाडि बेवारिसे गाडी, छानबिनमा जुट्यो प्रहरी

काठमाडौं । काठमाडौंका तीनवटा मिडिया हाउसको कार्यालय अगाडि निजी गाडी बेवारिसे अवस्थामा राखिएको विषयमा प्रहरी छानबिनमा जुटेको छ । अनलाइन खबर, हिमालयन टीभी र कान्तिपुरको कार्यालय अगाडि गेटमा अवरोध हुने गरी निजी नम्बर प्लेटको कार राखिएको हो ।

अनलाइनखबरका कर्मचारीले दिएको जानकारी अनुसार बिहान करिब ७ बजेतिरै अज्ञात व्यक्तिले बुद्धनगरस्थित कार्यालयको गेटैमा कार पार्क गरेर हिँडेका थिए । उक्त कारले गर्दा अन्य गाडी कार्यालयभित्र छिराउन सकिएको छैन । कार चालकको पनि पत्तो छैन ।