हरियो बसलाई ब्लु बनाउन साझाले गर्‍यो अस्वीकार, भन्यो– यो मान्ने कुरै होइन, ६४ वर्षको ब्रान्ड छोडिँदैन

साझा यातायात प्रा.लि.ले हाल सञ्चालनमा रहेका हरियो बसलाई ब्लु बस अर्थात् नीलो बसमा रूपान्तरण गर्न अस्वीकार गरेको छ ।

वालेन्द्र शाह (बालेन) नेतृत्वको रास्वपा सरकारले सातै प्रदेशमा ब्लु बस सञ्चालन गर्ने योजनासहित प्रारम्भिक चरणमा काठमाडौं उपत्यकामा साझाका आठवटा विद्युतीय बसलाई ब्लु बस बनाएर चलाउने तयारी गरेको थियो । सोहीअनुसार पूर्वाधार विकास मन्त्रालयबाट अर्थ मन्त्रालयमा प्रस्ताव गरेको योजना स्वीकृत भइसकेको छ । तर, साझाको हरियो बसलाई ब्लु बस बनाएर सञ्चालन गर्ने सरकारको प्रस्ताव साझाले अस्वीकार गरेको हो ।