आँसु पुछ्न औँला छैनन्...

मुटु बाउँडिने एउटा दृश्य ! गोङ्गबुस्थित होल्डिङ सेन्टरमा उर्मिला तामाङ भक्कानिइरहेकी थिइन् । उनका आँखाबाट बरबरी आँसु खसिरहेको थियो । तर तपाईँलाई थाहा छ ? आफ्नै आँसु पुछ्नका लागि उनको दाहिने हात छैन, औँला नै छैनन् ।

मनोहरा किनारको सुकुमबासी बस्तीबाट हटाएर उनलाई गोङ्गबुको होल्डिङ सेन्टरमा राखिएको थियो । त्यहाँबाट पनि हट्न भनिएपछि उनी भयानक पीडाको आँधीहुरीमा छिन् ।