आजदेखि इलाम, पाँचथर, पर्सा र दाङका ३५ स्थानीय तहमा थ्रीजी सेवा बन्द

काठमाडौं । एनसेलले आजदेखि इलाम, पाँचथर, पर्सा र दाङका ३५ स्थानीय तहमा थ्रीजी (3G) सेवा बन्द गरेको छ । कम्पनीले फोरजी (4G) नेटवर्क र ‘भ्वाइस ओभर लङ टर्म एभोल्युसन’ (VoLTE) सेवालाई थप सुदृढ बनाउने योजनाअन्तर्गत चरणबद्ध रूपमा थ्रीजी सेवा बन्द गर्दै गएको हो ।

कम्पनीका अनुसार थ्रीजी नेटवर्क हटाउँदै फोरजीमा आधारित भोल्टे सेवामार्फत अझ स्पष्ट भ्वाइस कल र गुणस्तरीय मोबाइल ब्रोडब्यान्ड सेवा उपलब्ध गराइनेछ । हाल देशको करिब ९५ प्रतिशत जनसंख्यासम्म फोरजी सेवा पुगिसकेको एनसेलले जनाएको छ ।