स्वरोजगार बन्न सीप सिक्दै युवा

सिन्धुलीका युवाहरू सीप सिक्न अग्रसर हुन थालेका छन्। सिन्धुलीको ग्रामीण क्षेत्रका युवाबर्ग रोजगारीका लागि विदेश वा सहर धाउने परम्पराभन्दा फरक बाटो रोज्दै व्यावसायिक सीप सिकेर आफ्नै गाउँमा स्वरोजगार बन्न अग्रसर हुन थालेका छन्।

विशेषगरी गोलञ्जोर गाउँपालिकाका युवायुवतीहरू कपाल काट्ने तथा ब्युटीपार्लरसम्बन्धी तालिममा सहभागी हुँदै आत्मनिर्भर बन्ने तयारीमा जुटेका छन्। वर्ल्ड भिजनको आर्थिक सहयोग तथा सिड्स नेपालद्वारा सञ्चालित तीन महिने व्यावसायिक सीप विकास तालिममार्फत गोलञ्जोर गाउँपालिकाका युवाहरूले कपाल काट्ने, हेयर स्टाइलिङ र ब्युटीपार्लरसम्बन्धी सीप हासिल गरिरहेका हुन्।