गणेश नेपालीको आत्मदाह र सुकुम्बासी पीडामा रवि चुपचाप, बालेनमाथि चौतर्फी दबाब

काठमाडौं– काठमाडौं महानगरपालिकाको डोजर आतंक, सुकुम्बासी बस्ती व्यवस्थापनको विवाद र त्यससँग जोडिएको आत्मदाहको घटनाले राष्ट्रिय राजनीतिलाई तरंगित बनाइरहेका बेला सरकारको प्रमुख साझेदार बनेको राष्ट्रिय स्वतन्त्र पार्टी (रास्वपा)को मौनतामाथि प्रश्न उठ्न थालेको छ ।

विगतमा सुशासन, पारदर्शिता र नागरिक अधिकारका पक्षमा मुखर देखिने रास्वपाले पछिल्ला संवेदनशील घटनामा कुनै स्पष्ट धारणा सार्वजनिक नगरेको भन्दै राजनीतिक वृत्त, नागरिक समाज र सामाजिक सञ्जालमा आलोचना बढेको छ ।