भ्रष्टाचारविरुद्ध मुख्यमन्त्री विजय : कसैले घूस मागे मेरो नाम लिनुस्, म तपाईंसँगै छु

दक्षिण भारतीय राज्य तमिलनाडुका मुख्यमन्त्री सी. जोसेफ विजयले सरकारी काममा घूस माग्ने जोसुकैलाई पनि स्पष्ट रूपमा अस्वीकार गर्न जनतासँग आग्रह गरेका छन्।

आफ्नो सरकारले भ्रष्टाचारप्रति शून्य सहनशीलता अपनाएको बताउँदै उनले घूसको मागलाई ठाडै अस्वीकार गर्न र डर नमान्न जनतालाई विश्वास दिलाएका हुन्। गत शुक्रबार करुरमा आयोजित एक सार्वजनिक सभालाई सम्बोधन गर्दै मुख्यमन्त्री विजयले भने, ‘यदि कसैले तपाईंसँग घूस माग्छ भने, उनीहरूलाई दृढतापूर्वक भन्नुहोस्- म दिन सक्दिनँ। म यहाँ तपाईंको साथमा छु।’ उनले आफ्नो प्रशासनले सरकारी कार्यालयभित्र जरो गाडेको भ्रष्टाचारको अभ्यास भत्काउन थालेको दाबी गरे। उनले थपे, ‘अब कुनै पनि सरकारी कार्यालयमा जानुहोस्। एक रुपैयाँ पनि घूस छैन। एक रुपैयाँको भ्रष्टाचार पनि छैन। काम त्यसरी नै भइरहेको छ-टिक... टिक... टिक।’