सुदूरपश्चिम सरकार संकटमा, एमालेले खोल्यो बजेटविरुद्ध मोर्चा

धनगढी । सुदूरपश्चिम प्रदेश सरकार आफ्नै सत्ता साझेदार नेकपा (एमाले) को तीव्र असन्तुष्टिपछि गम्भीर राजनीतिक संकटमा फसेको छ। सरकारको बजेटविरुद्ध प्रतिपक्षले होइन, सत्तारूढ दलकै सांसदहरूले खर्च कटौती प्रस्ताव दर्ता गरेपछि प्रदेश सरकारको भविष्य र सत्ता गठबन्धनमाथि नै प्रश्न उठ्न थालेको छ।

आर्थिक मामिलामन्त्री विक्रमसिंह धामीले असार १ गते प्रस्तुत गरेको आर्थिक वर्ष २०८३/८४ को बजेटलाई एमालेले सुरुदेखि नै अस्वीकार गर्दै पुनर्लेखनको माग गरेको थियो।