तुलसीपुरका उत्कृष्ट १२ व्यावसायिक पशुपालक कृषक सम्मानित

दाङ– तुलसीपुर उपमहानगरपालिकाले नगरभित्रका उत्कृष्ट १२ जना व्यावसायिक पशुपालक कृषकलाई नगदसहित सम्मान गरेको छ। उत्कृष्ट कृषकलाई जनही १५ हजार रुपैयाँ नगद र प्रमाणपत्र प्रदान गरिएको हो।

पशु सेवा शाखाको आयोजनामा बिहीबार आयोजित कार्यक्रममा वडा नं. १ का निमबहादुर बुढामगर, वडा नं. ३ का विष्णुप्रसाद शर्मा, वडा नं. ४ का मनोज चौधरी, वडा नं. ६ का डम्बर डाँगी, वडा नं. ७ की कल्पना केसी ढकाल, वडा नं. ८ का शसिराम बुढाथोकी, वडा नं. ९ की सुन्तली चौधरी, वडा नं. ११ का डिल्लीबहादुर वली, वडा नं. १४ का चैत्या चौधरी, वडा नं. १५ का कृष्णप्रसाद शर्मा, वडा नं. १६ की ख्यामकुमारी वली र वडा नं. १८ की मधुमाया जिसी सम्मानित भएका हुन्।