योजनाको सफलता लक्ष्यले नभई प्रभावकारी कार्यान्वयनले निर्धारण गर्छ - सांसद राणा

राष्ट्रिय स्वतन्त्र पार्टीकी सांसद विदुषी राणाले राष्ट्रिय योजना आयोगले अघि सारेको १६ औं योजनाको लक्ष्य र कार्यान्वयनमाथि प्रश्न उठाएकी छिन्।

सोमबार बसेको प्रतिनिधि सभाअन्तर्गतको अर्थ समिति बैठकमा बोल्दै उनले आर्थिक वर्ष २०८५/८६ सम्म देशको अर्थतन्त्र १०३ खर्ब रुपैयाँ पुर्‍याउने र उच्च आर्थिक वृद्धि हासिल गर्ने योजनाको महत्वाकांक्षी लक्ष्यमाथि संशय व्यक्त गरिन्। योजनाको सफलता लक्ष्यभन्दा पनि त्यसको प्रभावकारी कार्यान्वयनमा भर पर्ने उनको भनाइ थियो।