कामदारका नाममा नक्कली फर्म, ६५ करोडको भ्याट छली

काठमाडौं । राजस्व अनुसन्धान विभागले कमजोर आर्थिक अवस्था भएका श्रमिक तथा मजदुरका नाममा नक्कली व्यावसायिक फर्म दर्ता गरी मूल्य अभिवृद्धि कर छली गरेको अभियोगमा सर्लाही, धनकौल गाउँपालिका–६ का प्रदीप साहविरुद्ध मुद्दा दायर गरेको छ ।

विभागले मुख्य कारोबारी भनिएका साहसहित १० जनाविरुद्ध ६५ करोड २८ लाख ५२ हजार ३८२ रुपैयाँ बराबरको बिगो, जरिवाना र कैद सजायको माग गर्दै सोमबार उच्च अदालतमा मुद्दा दायर गरेको हो ।