सञ्चारमाध्यमका कार्यालयअगाडि राखिएका गाडीमा सुरक्षा खतरा भेटिएन

अनलाइनखबर, हिमालय टेलिभिजन र कान्तिपुर पब्लिकेसनको कार्यालयअगाडि शंकास्पद रूपमा पार्क गरिएका गाडीमा कुनै सुरक्षा जोखिम वा आपराधिक गतिविधिसँग सम्बन्धित सामग्री नभेटिएको प्रहरीले जनाएको छ।

जिल्ला प्रहरी परिसर काठमाडौंका प्रवक्ता एसपी पवन भट्टराईका अनुसार, अनामनगरस्थित भाटभटेनी क्षेत्र र कान्तिपुर पब्लिकेसनअगाडि पार्क गरिएका गाडीको सूक्ष्म निरीक्षण तथा सुरक्षा जाँच गर्दा कुनै शंकास्पद वस्तु फेला परेन।