उत्कृष्ट कर्मचारीलाई पुरस्कार र तालिममा प्राथमिकता दिने सरकारको निर्णय

काठमाडौँ- सरकारले सार्वजनिक निकायमा कार्यसम्पादनमा आधारित मूल्यांकन प्रणाली लागू गर्न निर्देशन दिएको छ।

भूमि व्यवस्था, सहकारी, संघीय मामिला तथा सामान्य प्रशासन मन्त्रालयअन्तर्गत प्रशासन सुधार तथा व्यवस्थापन परीक्षण शाखाले सबै मन्त्रालय, आयोग, सचिवालय, मुख्यमन्त्री तथा मन्त्रिपरिषद्को कार्यालय र स्थानीय तहलाई परिपत्र जारी गर्दै कार्यसम्पादनलाई नतिजासँग जोड्ने प्रणाली कार्यान्वयन गर्न भनेको हो।