उपत्यकामा पाकेटमार पक्राउ गर्न सादा पोसाकका प्रहरी परिचालन

काठमाडौँ। काठमाडौँ उपत्यकामा पाकेटरमार पक्राउ गर्न सादा पोसाकका प्रहरी परिचालन गरिएको छ।

उपत्यका अपराध अनुसन्धान कार्यालयले काठमाडौँ, भक्तपुर र ललितपुरमा पाकेटमार नियन्त्रणमा लिने अभियान सुरु गरेको हो। बसमा चढ्ने यात्रुहरूलाई टार्गेट गरेर पाकेटमारी हुने गरेको सूचनाको आधारमा ‘स्विप अभियान’ सुरु गरिएको उपत्यका अपराध अनुसन्धान कार्यालयका एसएसपी सन्तोष खड्काले रातोपाटीलाई बताए।