गुम्बा स्कुलमा शिक्षिकाले विद्यार्थीलाई निर्मम कुटपिट गरेको भिडिओ भाइरल, के हो घटना ?

काठमाडौं । सामाजिक सञ्जालमा गुम्बा विद्यालयका एक विद्यार्थीलाई शिक्षिकाले कुटपिट गरेको भिडिओ भाइरल भएको छ । भिडिओमा शिक्षिकाले 'हात थाप' भन्दै विद्यार्थीलाई मोटो लठ्ठीले हत्केलामा पटक-पटक प्रहार गरिरहेको देखिन्छ ।

लठ्ठीले प्रहार गर्दा निस्किएको ठुलो आवाज र पीडाका कारण विद्यार्थीले छटपटाउँदै लामो-लामो सास फेरिरहेको भिडिओमा स्पष्ट सुनिन्छ । सोही समयमा कक्षाका अन्य विद्यार्थीहरू भने त्रसित मुद्रामा चुपचाप शिक्षिकातर्फ हेर्छन् ।