कनिष्ठ कार्की मुख्यसचिव भएपछि वरिष्ठ सचिवहरू असन्तुष्ट, बिदामा बसे शर्मा

काठमाडौँ । निजामती कर्मचारीको विशिष्ट श्रेणी (सचिव) पदमा कार्यरत ५७ जनामध्ये ३५ औँ नम्बरमा रहेका गोविन्दबहादुर कार्कीलाई निजामती कर्मचारीको उच्च तह मुख्यसचिवमा बढुवा नियुक्ति गरिएपछि विवाद बढेको छ ।

तत्कालीन मुख्यसचिव सुमनराज अर्याल असार २६ गतेदेखि अनिवार्य अवकाशमा जानुअघि मन्त्रिपरिषद्को असार २४ गते बसेको बैठकले ३५ औँ वरीयताका प्रधानमन्त्री तथा मन्त्रिपरिषद्को कार्यालयमा कार्यरत कार्कीलाई मुख्यसचिव नियुक्त गर्ने निर्णय गरेको थियो ।