अमेरिकामा भानुभक्तको सालिक स्थापना

काठमाडौँ । अमेरिकाको क्यालिफोर्नियामा आदिकवि भानुभक्त आचार्यको शालिक स्थापना गरिएको छ । जुलाई १२ मा आयोजित विशेष समारोहका बीच प्रमुख अतिथि बरिष्ठ साहित्यकार डा नवराज लम्साल र रिचमण्डका मेयर एडबर्डो मार्टिनेजद्वारा संयुक्त रुपमा शालिक अनावरण गरिएको हो ।

अन्तर्राष्ट्रिय नेपाली साहित्य समाज नर्दन क्यालिफोर्निया च्याप्टरको सक्रियतामा नेपाल र भारतबाहेक पहिलो पटक डायस्पोरामा आदिकवि भानुभक्तको शालिक स्थापना भएको हो । अनावरण पछि मेयर मार्टिनेजले भने, ‘नेपाली भाषाका आदिकविको शालिक राखेर यो शहर सांस्कृतिक रूपमा पूर्ण भएको छ।’