सामसङ नेपालद्वारा नेपालमा ग्यालेक्सी ए-२७ फाइभजी सार्वजनिक, यस्तो छ मूल्य र फिचर

काठमाडौं । सामसङले आधिकारिक रूपमा नेपालमा ग्यालेक्सी ए–२७ फाइभजी मोबाइल फोन सार्वजनिक गरेको छ । यसले कम मूल्यमा उत्कृष्ट एआई सुविधाहरू, भरपर्दो कार्यसम्पादन, सुरक्षा र दीर्घकालीन सफ्टवेयर सहयोग खोजिरहेका युवा उपभोक्ताहरूका लागि तयार पारिएको आफ्नो लोकप्रिय श्रेणीलाई विस्तार गरेको छ ।

सामसङ नेपालका वरिष्ठ निर्देशक प्रणय रत्न स्थापितका अनुसार यो नयाँ मोबाइलले धेरै प्रयोगकर्ताहरू माझ नयाँ प्रविधि पुर्‍याएर कृत्रिम बौद्धिकतालाई सबैको पहुँचमा ल्याउने प्रतिबद्धतालाई झल्काउँछ । कम्पनीको आधारभूत क्षमता र अद्भुत बौद्धिकताको संयोजनका साथ यस फोनले विश्वभरका प्रयोगकर्ताहरूलाई भरपर्दो दैनिक कार्यसम्पादन प्रदान गर्नेछ र प्रविधिको द्रुत विस्तारलाई बढावा दिनेछ।