सञ्चारमाध्यमबाहिर शंकास्पद गाडी राखिएको घटनाप्रति रास्वपाको आपत्ति, छानबिनको माग

काठमाडौँ। विभिन्न सञ्चारमाध्यमका कार्यालयबाहिर सवारीसाधन शंकास्पद रूपमा राखिएको घटनाप्रति राष्ट्रिय स्वतन्त्र पार्टी (रास्वपा) ले ध्यानाकर्षण भएको जनाएको छ।

महामन्त्री विपिनकुमार आचार्यद्वारा सोमबार जारी विज्ञप्तिमा रास्वपाले यस्ता गतिविधिले सञ्चारमाध्यम र सञ्चारकर्मीमाथि मनोवैज्ञानिक दबाब सिर्जना गर्ने उद्देश्य राखेको भन्दै त्यसलाई लोकतान्त्रिक मूल्य-मान्यताविपरीत कार्य भएको उल्लेख गरेको छ। स्वतन्त्र र भयरहित पत्रकारितालाई लोकतन्त्रको आधारस्तम्भ मान्दै पार्टीले प्रेस स्वतन्त्रता र नागरिकको सुसूचित हुने अधिकारप्रति आफ्नो प्रतिबद्धता दोहोर्‍याएको छ।