अन्नपूर्ण पदमार्गमा बाढीपहिरोको असर, सुरक्षित यात्रा अपनाउन पर्यटकलाई आग्रह

काठमाडौं । लगातारको वर्षापछि कास्कीको अन्नपूर्ण गाउँपालिका क्षेत्रमा आएको बाढीपहिरोले अन्नपूर्ण पदमार्गका विभिन्न संरचनामा क्षति पुर्‍याएको छ। यससँगै ट्रेकिङ एजेन्सिज एसोसिएसन अफ नेपाल (टान) गण्डकीले पदयात्री, गाइड तथा पर्यटन व्यवसायीलाई उच्च सतर्कता अपनाउन आग्रह गरेको छ।

टान गण्डकीका अनुसार अन्नपूर्ण गाउँपालिका–१० र ११ अन्तर्गत कुम्रुङ खोला र मोदी नदीमा आएको बाढीले घुर्जुङ जोड्ने झोलुङ्गे पुल, अन्नपूर्ण आधार शिविर (एबीसी) जाने मुख्य पदमार्ग तथा स्याउलीबजार आसपासका संरचनामा उल्लेखनीय क्षति पुगेको छ।