नदी किनारका जोखिमयुक्त बस्तीको अभिलेख राखेर नीति बनाउँछौँः मुख्यमन्त्री भट्ट

डडेल्धुरा । सुदूरपश्चिम प्रदेश सरकारले प्रदेशमा प्राकृतिक विपद्को जोखिममा रहेका बस्ती तथा क्षेत्रको पहिचान गरी त्यसको अभिलेख तयार पार्ने भएको छ । जोखिमको अध्ययनका आधारमा आगामी दिनमा विपद् व्यवस्थापन र विकाससम्बन्धी नीति तथा योजना निर्माण गरिने प्रदेशका मुख्यमन्त्री खगराज भट्टले बताए ।

मुख्यमन्त्री बनेपछि पहिलोपटक गृह जिल्ला डडेल्धुरा पुगेका भट्टले बुधबार नेपाल पत्रकार महासंघ डडेल्धुराले आयोजना गरेको पत्रकार सम्मेलनमा बोल्दै प्राकृतिक विपद्को जोखिम न्यूनीकरणका लागि पूर्वतयारीलाई प्राथमिकतामा राखेर काम गरिने बताए ।